Биыл Теміртау қаласының тілдерді дамыту орталығы өзінің 10 жылдығын қазақтың көрнекті ағартушысы, лингвист, публицист және аудармашы Ахмет Байтұрсынов атындағы кабинеттің ашылуымен атап өтуде. 2014 жылы құрылғаннан бері орталық қазақ, орыс және ағылшын тілдерін жетілдіргісі келетін 7000 курс тыңдаушыларының үйіне айналды.Орталықтың басшысы Меруерт Ахметжанова: «Біздің орталықтың мақсаты-білім тарату және қаланың тілдік әлеуетін дамыту. Мысалы, 2021 жылдың мамыр айынан бастап біз «Оңай тіл» мемлекеттік әлеуметтік бағдарламасы аясында шағын және орта бизнес өкілдеріне арналған Қазақ тілі курстарын сәтті өткізіп келеміз. Бұл күш-жігерді жергілікті қауым қолдайды және керемет нәтиже беріп келеді».Салтанатты шараға қала әкімі ОразТаурбеков қатысты: «Мен Тіл орталығының педагогикалық ұжымына үлкен алғысымды білдіремін және табысты жұмыстарыңызбен құттықтаймын. Қалада тілдік ортаны дамыту үшін сіздердің жұмыстарыңыздың маңыздылығын ерекше атап өтемін. Сіздерге еңбектеріңізге сәттілік пен өркендеу тілеймін!”.  Осы айтулы оқиғаға арналған салтанатты іс-шарада орталықтың педагогикалық ұжымы қонақтарға өз жұмысының нәтижелерін ұсынды, курс тыңдаушыларының жетістіктерімен бөлісті және тілдерді оқытудың заманауи әдістемелері туралы айтты. Іс-шара үздік оқушыларды марапаттаумен және естелік сыйлықтармен аяқталды.

Посмотреть эту публикацию в Instagram

Публикация от Акимат Темиртау (@temirtau_akimdigi)